Актерот Хенри Кавил на Instagram објави дека нема да се појави во новото продолжение за Супермен и со тоа ги шокира обожавателите, бидејќи неодамна беше најавено дека ќе биде дел од проектот.
Прв веста ја потврди режисерот Џејмс Ган, со објави на Twitter.
„Спремни сме за работа со Питер и многу сме возбудени. Ќе споделиме возбудливи информации за нашите први проекти кон почетокот на новата година. Меѓу тие проекти е и Супермен. Во почетните фази ќе се фокусираме на раниот дел од животот на Супермен, така што ликот нема да го глуми Хенри Кавил. Но, имавме одлична средба со него и сме му големи обожаватели, па разговаравме за низа возбудливи можности за соработка во иднина“, напиша Ган.
Веста за отпуштање од улогата ја потврди и Кавил на Instagram.
„Се сретнав со режисерите, имам тажни вести. На крајот сепак нема да го глумам Супермен. Оваа вест не ми дојде баш најдобро, особено затоа што студиото ми кажа да го најавам враќањето како Супермен во октомври, пред ангажманот. Но, таков е животот. Го почитувам тоа што го градат Џејмс и Питер. Им посакувам среќа на сите кои се вклучени во проектот“, напиша Кавил и потоа директно им се обрати на обожавателите на Супермен.
„За сите оние кои беа покрај мене со години, сега може малку да тагуваме, но мора и да запаметиме дека Супермен сè уште е тука. И понатаму е тука за сè што се залагаше и на сите им е пример. Истече моето време за носење на наметката, но тоа за што се залага Супермен ќе остане вечно. Ми беше многу забавно со сите подеми и падови“, порача Кавил.
