Голгетерот на Борусија го даде своето мислење околу тоа кои играчи се најдобри во дефанзивата.
За Ерлинг Браут Холанд најдобри дефанзивци на целиот свет се Серхио Рамос од Реал Мадрид, Вирхил ван Дајк од Ливерпул и Калиду Кулубали од Наполи.
Младиот Норвежанец стана кошмар за дефанзивците откако се проби во дресот на Салцбург во првата полусезона од минатата сезона. Тогаш австрискиот тим во Лигата на шампионите беше во група со Ливерпул, Наполи и Генк, па Холанд самиот можеше да се увери во квалитетите на Ван Дајк и Кулибали против кои играше. Сепак, двајцата не успеаја да го сопрат бидејќи на Ливерпул му даде еден гол на „Енфилд“, а на Наполи му даде три гола. Одличните партии му донесоа трансфер во Борусија од Дортмунд минатата зима.
„Можам да кажам, за мене, најдобрите тројца дефанзивци на светот се Серхио Рамос, Вирхил ван Дајк и Калиду Кулибали. Тројцата се добри, силни и интелигентни“, рече тој говорејќи за Verdens Gang.
Досега се нема соочено на зелениот терен против Рамос, но и тоа некогаш сигурно ќе се случи. Воедно, Холанд е гладен за голови, па ќе биде интересно да го видиме и Рамос против него.
„За мене головите се како дрога, нема подобро чувтсво откако ќе постигнеш гол“, додава тој.
