Калциумот е важен минерал којшто има клучна улога во здравјето на коските. Тој помага и за одржување на здравјето на срцето, мускулите, нервите и забите. Поради тоа, консумирањето на доволно количество на калциум е особено важно за правилното функционирање на целиот организам.
Млечните производи се најголем извор на калциум кој му е потребен на нашиот организам, особено за формирање и одржување на здрави коски.
Црвен грав
Најраспространет е во Јужна Америка, а кај нас може да се најде во продавници за здрава храна. Овој вид на грав е богат со калциум, калиум, фолна киселина и има голема хранлива вредност.
Брокула
Овој тип на зеленчук е познат по тоа што се користи како превенција за некои облици на карцином. Варена со неколку капки маслиново масло, брокулата е богат извор на калциум. За уште поголемо дејство се препорачува сирова брокула во салата.
Сок од портокал
Овој пијалок се препорачува наутро. Една чаша сок од портокал во комбинација со здрав појадок е одличен извор на калциум.
Лосос
Лососот е богат со протеини и омега 3 масни киселини. Се препорачува да го имате на менито неколку пати неделно, бидејќи во 50 г лосос има 181 мг калциум.
Потребен внес на дневно ниво
Бебиња (0-6 месеци) – 210 мг
Бебиња (7-12 месеци) – 270 мг
Деца (1-3 години) – 500 мг
Деца (4-8 години) – 800 мг
Деца (9-18 години) – 1.300 мг
Возрасни (19-50 години) – 1.000 мг
Возрасни (51 година и нагоре) – 1.200 мг
Зголемени потреби на калциум имаат жените во менопауза. Тие особено треба да внимаваат на количеството калциум кое го внесуваат, за да се заштитат од остеопороза.
