Храна што го уништува панкреасот и е ризик за дијабетес

Бројот на заболени од дијабетес ширум светот секојдневно се зголемува, а најчести причини се лошата исхрана и недостатокот на физичка активност.

Она што исто така загрижува е тоа што оваа тешка болест често останува незабележана долго време, бидејќи симптомите може да укажуваат на некои минливи проблеми.

Конзумирањето на големи количини слатка или висококалорична храна не само што доведува до прекумерно таложење на маснотии и гоење, туку и до смрт на клетките на панкреасот. Со други зборови, оваа храна е директен ризик за развој на дијабетес.

„Системското воспаление со оксидативен стрес неизбежно се јавува во масното ткиво, против кое се развива отпорност на инсулин и умираат клетките на панкреасот што произведуваат инсулин“, објасни Зухра Павлова, гастроентеролог од клиниката на Московскиот државен универзитет.

Што е оксидативен стрес?

Оксидативниот стрес е состојба која се јавува кога производството на слободни радикали ја надминува способноста на телото да ги неутрализира или елиминира. Може да се појави поради недостаток на антиоксиданси или големи количини на слободни радикали. Антиоксидансите се супстанции кои го штитат телото од слободните радикали. Кога го врзуваат кислородот за себе, тие на овој начин ги оневозможуваат слободните радикали и ја зајакнуваат одбраната на телото.

Ендокринологот препорача да се прават паузи од три часа помеѓу оброците.

„Треба да се јаде не порано од три часа и не подоцна од пет часа по последниот оброк“, советува докторката.

Павлова нагласи дека „паузата што трае подолго од пет часа дефинитивно не вреди“. Доколку има предолга пауза помеѓу оброците, во масното ткиво се активира ензимот кој го следи нивото на хранливи материи (липопротеинска липаза), што доведува до таложење на резервите на маснотии.

За здравјето на панкреасот се препорачуваат следниве намирници: спанаќ, боровинки и цреши, брокула, лук, сладок компир, црвено грозје, печурки, тофу...