Кијану Ривс сака да се придружи на листата славни актери како Роберт Патисон, Кристијан Бејл, Џорџ Клуни, Бен Афлек, Мајкл Китон и останатите кои досега ги видовме во улогата на Бетмен.
Ривс неодамна го позајми гласот за Бетмен во филмот „DC League of Super Pets“, а во интервју изјави дека би се согласил и да ја толкува улогата на Бетмен ако тоа му го понудат од компанијата Warner Bros.
„Го сакам ликот на Бетмен, го сакам во стриповите и во филмовите, така што беше супер кога добив можност да го позајмам гласот“, вели Кијану додавајќи дека улогата на Бетмен би била „остварување на неговиот сон“.
Но, веднаш напомена дека моментално тоа не е реално бидејќи „Роберт Патисон одлично си ја врши работата“.
„Можеби некогаш во иднина, можеби кога би имало потреба од малку повозрасен Бетмен“, вели Ривс.
Актерот има 57 години, ако ја добие улогата на Бетмен би бил меѓу најстарите актери кои би го глумеле овој суперхерој. Но, не и најстар, таа титула и понатаму му припаѓа на Мајкл Китон кој според последните информации треба повторно да го глуми Бетмен во филмот „ The Flash“ Китон има 70 години и ќе биде најстариот Бетмен.