Километарски колони во Тексас: Се дели храна на луѓето кои останаа без работа
Минатиот викенд во Тексас беа поделени повеќе од 270.000 килограми храна, вклучително и 7.280 мисирки за Денот на благодарноста. Граѓаните со автомобили пристигаа за да добијат бесплатни пакети храна бидејќи останаа без работа и без примања поради пандемијата.
Се претпоставува дека околу 5.800 семејства синоќа примија помош во вид на месо, зеленчук, овошје и други намирници, доволно за 20 оброци.
Ана Куријан од хуманитарната организација Банка за храна во Тексас изјави дека се зголемени барањата за помош поради пандемијата, а со оваа акција започнаа уште во март. Таа вели дека особено им е тешко на семејствата со деца.
Многу жители на Тексас останаа без работа, а повеќето од нив не можат да ги платат сметките за лекување бидејќи немаат здравствено осигурување.