Џиновските панди повеќе не се на листата загрозени животни, но и понатаму се ранливи, соопштија кинеските власти, пренесе BBC.
Експертите велат дека Кина успеала да ги спаси пандите од изумирање благодарение на проширувањето на нивните живеалишта.
„Последната промена на класификација ги одразува унапредените услови за живот и напорите на Кина за одржување на интегрирани живеалишта“, изјави кинескиот министер за екологија Чи Сушонг.
Новата класификација доаѓа откако Меѓународната унија за заштита на природата веќе ја отстрани џиновската панда од листата загрозени видови и повторно ја означи како ранлива во 2016 година. Кинезите тогаш не се согласија со одлуката и истакнаа дека ваквата одлука може да ги доведе луѓето во заблуда.
Но, сегашната промена на класификација ги одушеви корисниците на социјалните мрежи низ Кина. Експертите велат дека успехот се должи на напорот повторно да се обноват и населат бамбусовите шуми. Бамбусот е околу 99% од исхраната на џиновските панди, а без него веројатно би умреле од глад.
