Министерството за одбрана на Тајван соопшти дека се забележани 57 кинески авиони и четири бродови кои оперирале околу островот во текот на изминатите 24 часа, а 28 воени авиони влегле во зоната на противвоздушната одбрана на Тајван.
Тајван ја осуди Кина за одржување на вторите воени вежби околу островот за помалку од еден месец.
Кинеската војска соопшти дека во неделата се спроведени офанзивни борбени вежби во близина на Тајван за да ги тестира заедничките борбени способности и „одлучно да се спротивстават на провокативните акции на странските сили и сепаратистичките сили за независност на Тајван“, се додава во кусото соопштение.
Мирот и стабилноста во овој регион се заедничка одговорност на Тајван и Кина, сметаат властите во Тајван.
„Тајван никогаш нема да ескалира конфликт или да поттикне спор, но цврсто го брани својот суверенитет и безбедност, додадаваат во соопштението.
Министерството за одбрана на Тајван соопшти дека се забележани 57 кинески авиони и четири бродови кои оперирале околу островот во изминатите 24 часа, а 28 воени авиони влегле во зоната на противвоздушна одбрана на Тајван.
Некои од нив ја преминале средната линија на Тајванскиот теснец, кој е неофицијална тампон зона меѓу двете страни.
Претходно во август, Кина организираше воени игри во близина на Тајван по посетат од тогашната претседателка на Претставничкиот дом на САД, Ненси Пелоси.