Денеска започна кинеската Нова година, празник што симболизира нов почеток, а ќе трае до 31 јануари 2022 година. Според кинескиот хороскоп, 2021 година ќе биде во знак на Металниот Бивол.
Кинеската Нова година или Празникот на пролетта се прославува повеќе од 4.000 години, а се слави на Далечниот Исток и поголем дел од југоисточна Азија. Владеењето на Металниот Бивол носи успех на многу животни полиња, односно успех на оние кои работат вредно.
Астрологот Сузан Левит направи прогнози за секој знак, па погледнете што ве очекува во 2021, според кинескиот хороскоп.
Година на раѓање: 1912, 1924, 1936, 1948, 1960, 1972, 1984, 1996, 2008, 2020. Следна година во знакот на Стаорец е 2032.
Ова се тешки времиња, па немојте да се надевате дека работите ќе ви паднат од небо. Доколку сакате да имате успех во работата, ќе мора повеќе да се потрудите. Стаорецот е вредно животно и истото го очекува од другите, да бидат упорни, доследни и да работат.
Година на раѓање: 1913, 1925, 1937, 1949, 1961, 1973, 1985, 1997, 2009, 2021. Следна година во знак на Бивол е 2033.
Пред вас е година во која ќе може да уживате во плодовите на вашата работа. Исто така е одлична година за склопување брак, основање семејство и раѓање на дете. Претходните години многу сте се мачеле, но затоа и многу сте научиле, па сега заслужено треба да уживате.
Година на раѓање: 1914, 1926, 1938, 1950, 1962, 1974, 1986, 1998, 2010. Следна година во знакот на Тигар е 2022.
Ова е година во која мора да се посветите на завршување на работите кои сте ги започнале и во исполнување на дадените ветувања. Вложете ги силите во тоа, бидејќи ако сега не ја искористите шансата за работите за кои сте работеле во изминатите години, никогаш нема да може да ги реализирате плановите. Смирете ја експлозивната природа и бидете попитоми.
Година на раѓање: 1915, 1927, 1939, 1951, 1963, 1975, 1987, 1999, 2011. Следна година на Зајакот ќе биде 2023.
Другите ќе очекуваат многу од вас, а ќе почекате за заслужената награда. Тоа може да делува фрустрирачки, но не се обесхрабрувајте. Бидете трпеливи и не носете пребрзи одлуки.
Година на раѓање; 1928, 1949, 1952, 1964, 1976, 1988, 2000, 2012. Следна година на Змејот е 2024.
Минатата година беше прилично добра за вас, а ни оваа нема да биде лоша. Ве чекаат месеци на постојан напредок, но мора малку повеќе да се ангажирате. Вие по природа саката да мечтаете, но шефовите нема да имаат разбирање за тоа. Во годината на Металниот Бивол нема да стигнете далеку ако не бидете приземјени и фокусирани.
Година на раѓање: 1917, 1929, 1941, 1953, 1977, 1989, 2001, 2013. Следна година во знакот на Змија е 2025.
За разлика од тоа што ви се случи во 2020 година, во 2021 ќе имате повеќе среќа на сите полиња. Единствено пазете да не претерате во очекувањата од другите луѓе, во тој случај може да бидете длабоко разочарани.
Година на раѓање: 1918, 1939, 1942, 1954, 1966, 1978, 1990, 2002, 2014. Следна година во знакот на Коњ е 2026.
Зад вас е една тешка година. Во 2021 година ќе биде поинаку, но треба да обрнете внимание на меѓучовечките односи. Доколку се покаже прилика за почеток на проблематична врска, добро размислете пред да се впуштите во такво нешто.
Година на раѓање: 1919, 1931, 1943, 1955, 1967, 1979, 1991, 2003, 2015. Следна година во знакот на Коза е 2027.
Ве чека година полна со предизвици. Доколку процените дека нема да може да одговорите соодветно на некои од нив, повлечете се и почекајте подобри времиња, кога ќе имате повеќе енергија. Потрудете се сите сегменти во животот во кои владее хаос оваа година да ги доведете во ред, ја имате поддршката на планетите.
Година на раѓање: 1920, 1932, 1944, 1956, 1968, 1980, 1992, 2004, 2016. Следна година во знакот на Мајмун е 2028.
Вие сте мудри и често умеете да го надитрите непријателот, па ако треба ќе се послужите со недозволено оружје. Оваа година треба да на промените тактиката инаку ќе се најдете во сериозни проблеми. Немојте да терате по свое по секоја цена, така ќе избегнете непријатности.
Година на раѓање: 1921, 1933, 1945, 1957, 1969, 1981, 1993, 2005, 2017. Следна година во знакот на Петел е 2029.
Претстојната година за вас ќе биде една од насјреќните. Тешките денови се зад вас, како и сето тоа што ве кочеше. Ве чека триумф на деловен план, но и на емотивен.
Година на раѓање: 1934, 1946, 1958, 1970, 1982, 1994, 2006, 2018. Следна година во знакот на Куче е 2030.
Оваа година за вас ќе биде малку потешка, бидејќи луѓето со кои сте опкружени нема да имаат многу разбирање за вас. Од вас ќе се очекува да работите над границите на вашите можности, а за возврат нема да го добиете тоа што очекувате. Прифатете го тоа мирно, бидејќи во 2022 сè ќе ви се врати двојно.
Година на раѓање: 1935, 1947, 1959, 1971, 1983, 1995, 2007, 2019. Следна година во знакот на Свиња е 2031.
Доколку се држите до работните етики, за вас ова ќе биде година на голем успех и просперитет. Ви претстои напредок во кариерата, но и среќа во емотивните односи. Ако досега не сте оствариле сериозна врска, 2021 година е совршена за тоа.