Гај Ричи е режисерот на најновиот филм кој ја раскажува добропозната легенда за кралот Артур и мечот Екскалибур. Како што може да видиме по првиот трејлер за филмот, култниот британски режисер го внесува својот динамичен стил во оваа епска приказна.
Во трејлерот прикажан на Comic Con се најавува оживувањето на добропознатата епска авантура и фантазија. Чарли Ханам е Артур, момчето родено да биде крал, пораснато на улиците.
Откако неговиот татко ќе загине, кралскиот трон го презема чичкото (Џуд Ло). Ограбен од своето родено право и наследство, Артур е принуден на живее и да се снаоѓа на улиците во градот. Но откако ќе го извлече мечот од каменот, неговиот живот засекогаш ќе се смени.
Покрај Чарли Ханам и Џуд Ло, во филмот ќе ги видиме и Ерик Бана, Анабел Валис, Ејден Џилиен, Астрид Берж-Фрисби и други. Премиерата е закажана за на 27 марти 2017 година.
Погледнете го трејлерот:
