Фудбалската асоцијација на Јужна Кореја (КФА) објави дека Јирген Клинсман (59) повеќе не е селектор на националниот тим.
Клинсман доби отказ откако минатата недела репрезентацијата беше елиминирана во полуфиналето на Азискиот куп.
„Ставот и конкурентноста на Клинсман како тренер не ги исполнија очекувањата. Затоа, решивме да го смениме правецот пред квалификациските натпревари за Светското првенство во 2026 година“, рече претседателот на КФА, Чун Мон-гју на прес-конференција. Клинсман помалку од една година беше селектор на Јужна Кореја.
По оставката, Германецот во порака на социјалните мрежи објави дека неговата мисија во Јужна Кореја била „неверојатно патување“ и им се заблагодари на своите играчи.
Јужна Кореја, еден од фаворитите на Азискиот куп, во полуфиналето беше елиминирана од Јордан со 2:0.
Договорот на Клинсман со јужнокорејската федерација беше со важност до летото 2026 година. Клинсман ја водешеЈужна Кореја на 18 натпревари со скор од 8 победи, 7 нерешени, 3 порази и гола=-разлика 38:19.