Ерлинг Холанд е нов играч на Манчестер Сити. Доаѓа со отштета од 75 милиони евра по две и пол години во Борусија Дортмунд, за која на 88 натпревари постигна 85 голови и 23 асистирања.
Доаѓањето на феноменалниот и млад (21) голгетер во најголемиот ривал на Ливерпул е причината поради која новинарите побараа коментар од Јирген Клоп за овој трансфер.
Менаџерот на „Црвените“ одговори:
„Добар играч, но Сити никогаш не бил, ниту ќе биде тим што победува поради еден играч. Веќе знам како Ерлинг ќе постигнува најмногу голови, а тоа брзо ќе го сфати и самиот; на другата статива. Тој е вистинска ѕверка. Додуша, и се повредува, но кога е во форма... За жал, многу добро засилување за Сити“.
Манчестер Сити соопшти дека постигнал договор со неверојатниот норвешки напаѓач Ерлинг Холанд, кој потпиша петгодишен договор со англискиот клуб. Холанд ќе заработува 435.000 фунти неделно, исто колку и најдобриот играч на Сити, Кевин де Брујне. Норвежанецот веќе ги помина медицинските прегледи и летово ќе дебитира во дресот на тимот на Пеп Гвардиола.
Иако се шпекулираше дека Сити ќе треба да плати 75 милиони евра отштета, таа е многу помала. Германските медиуми пишуваат дека Сити платил 60 милиони за да го купи норвешкото чудо, а истиот извор тврди дека парите нема целосно да ѝ припаднат на Борусија.
Германскиот клуб ќе добие 40 милиони, а преостанатиот износ ќе оди на билетарницата на Ред Бул Салцбург од каде Холанд дојде во Дортмунд зимата 2020 година. Холанд постигна 85 гола и асистираше 23 пати во 88 натпревари за Борусија Дортмунд.
Пеп Гвардиола со месеци инсистираше да го доведе Холанд бидејќи му треба само напаѓач од светска класа за да го заокружи совршениот тим. Минатото лето вложи максимални напори да го доведе Хари Кејн, но иако понуди 100 милиони фунти и Кејн се пријави за трансфер, Тотенхем беше категоричен.
Така, со заминувањето на Серхио Агуеро, Манчестер Сити остана без деветка или класичен напаѓач, што е улогата што оттогаш ја имаат Фил Фоден и Габриел Жесус. Холанд дојде во Борусија во зимскиот преоден рок во 2020 година од Салцбург со обештетување од 20 милиони евра.