Тренерот на Ливерпул, Јирген Клоп, по триумфот над Генк во 3. коло од Лигата на шампионите (4:1), истакна дека е задоволен од резултатот, но не и од играта.
Тој беше задоволен и од ефикасноста на својот тим.
– На натпреварот имаше добри моменти. Почнавме добро, но потоа ја губевме топката во безопасни ситуации. Секако, најтешко е да се брани. Првиот гол беше брилијантен. Јас навистина не уживав во играта, но од резултатот сум задоволен, изјави Клоп.
„Зад нас се два гостински натпревари, од кои секој беше тежок на свој начин. Во недела мора да одиграме добро против Тотенхем“, додаде германскиот стручњак.
