Нормално е во текот на денот да ви опаднат околу стотина влакна, но доколку имате купчиња коса во рацете, ова може да биде показател за некоја болест или за неправилно функционирање на организмот. Има многу причини за опаѓање на косата, како што се недостаток од сон, пушење цигари, неправилна исхрана.
Со опаѓање на косата се соочуваат и мажите и жените, а може да биде загрижувачки ако забележите дека косата ви опаѓа во значителни количини, а особено во зима.
Опаѓањето на косата се нарекува алопеција. Познато е дека со текот на годините и косата се менува, но наглото опаѓање на коса сè почесто е проблем со кој се соочуваат помладите жени.
Најчестите причини се недоволна количина на витамин А или протеини во организмот.
Губењето на косата може да биде и последица на хормонски дисбаланс, недостаток на железо, губиток на килограми и недостаток на витамин Б12.
Како да спречите опаѓање на косата?
Пред сè, користете шампони на природна база. Шампоните со сулфати ја сушат косата и го поттикнуваат опаѓањето.
Најдобро е да се посоветувате со вашиот лекар пред да почнете со третмани бидејќи тој ќе ви помогне да ја откриете причината зошто ви опаѓа косата.
Ако косата ви е тенка, зголемете го внесот на протеини и зеленчук. Најдобрите извори на протеини се риба, пилешко, свинко, млеко, јајца, јогурт, јаткасти плодови и соја.
Доколку вашата коса премногу опаѓа, не мора да посегнете по скапи козметички производи. Доволно е само да ја пронајдете вистинската храна која го поттикнува растот на косата.
Користете и регенератор после секое миење на косата.
