Кои се најголемите плачковци меѓу фудбалерите?

Нејмар е најголемиот плачко меѓу фудбалерите.

Ова го покажа објавата на BonusFinder, во која се истакнува дека во изборот земале предвид важни натпревари на кои играчите плачеле, вклучувајќи ги последните натпревари во нивните кариери, нокаут фазите на европските и светските натпреварувања, пресврти и финалиња.

Играчите потоа биле рангирани од најемотивни до помалку емотивни во зависност од бројот на ситуации во кои плачеле на натпревари.

Според тоа, бразилскиот напаѓач кој често бил критикуван за пренагласување на прекршоците направени против него, иако многу од нив навистина биле силни со оглед на неговиот стил на игра кој вклучува голем број дриблинзи.

Второто место зад Нејмар го зазема Кристијано Роналдо. Португалецот, потсетува BonusFinder, плачеше на ЕУРО во 2020, 2016 и 2004 година.

Трет е Луис Суарес, уругвајскиот напаѓач за кого, меѓу другите, емотивен момент беше минатогодишното освојување на шпанското првенство со Атлетико Мадрид, кога беше фотографиран како седи на теренот, гледа во мобилниот телефон и плаче.

Поранешниот англиски репрезентативец Пол Гаскоњ го освои четвртото место. Во неговата кариера се издвојува моментот од Мундијалот 1990 година кога плачеше во полуфиналето.

Серхио Агуеро е петти. Аргентинецот заплака, на пример, на прошталниот натпревар во дресот на Манчестер Сити, по што замина во Барселона. Според BonusFinder, на листата на десетте најемотивни фудбалери, од шестото до десеттото место се и Лионел Меси, Џон Тери, Мохамед Салах, Дејвид Бекам и Марио Балотели.