Од почетокот на мај, во Европа и Северна Америка се забележани зголемен број случаи на вирусот на мајмунски сипаници.
Досега не е регистриран ниту еден случај кај нас.
Станува збор за вирусна болест, тоа е ДНК вирус, со седиште, на накој начин, во Африка. Првото појавување беше во 70-тите. Се нарекуваат мајмунски сипаници, но се верува дека мајмуните, како и луѓето, не се главни резервоари, туку случајни домаќини. Најчесто се работи за мали глодари, вклучувајќи глувци, стаорци и верверички и многу примати. Постои можност за пренос од човек на човек, од животно на човек, но и од човек на животно.
Кога станува збор за симптомите, болеста започнува со висока температура, како и повеќето други заразни болести, општа лоша состојба, исцрпеност и силни главоболки.
„Ова е вообичаено за многу болести, но третиот или четвртиот ден се појавува осип, прво на местото на почетниот влез, а потоа се шири понатаму од лицето, екстремитетите, трупот и на крајот на дланките и стапалата. Самите симптоми се слични на сипаници и сите категории на луѓе се разболуваат.
Особено ранливи се лицата со намален имунитет, бремените жени и малите деца. Оваа болест е многу полесна од сипаници. Смртноста е некаде до 10 или 11 проценти. Повторно, повеќе кај ранливите популации.
Луѓето се заразни кога се појавуваат симптоми на болеста, но се претпоставува дека кон крајот на инкубацијата може да станат и заразни. Инкубацијата трае од шест до приближно 12 дена, а може да трае и до три недели.
