Марва Елселехдар е првата египетска капетанка на брод, а остана запрепастена откако поради лажна вест беше обвинета за неодамнешната блокада на Суецкиот Канал.
Оваа 29-годишна офицерка вели дека некој сака да ја намести можеби затоа што е успешна жена во оваа работа или затоа што е од Египет.
Реакцијата на Марва следи по лажни вести објавени на англиски јазик кои почнаа да се појавуваат на порталот Arab News, а кои ја обвинуваат дека е виновна за заглавувањето на бродот Ever Given во Суецкиот Канал.
Веста набргу почна да се шири по социјалните мрежи, но наскоро стана јасно дека станува збор за фотомонтажа. Марва воопшто не ни била во близина на местото на несреќата. Како прв офицер била на бродот Aida IV, стотици милји далеку во Александрија, но се плашела дека таа лажна вест може да влијае на нејзината кариера, со оглед на тоа што работи професија во која доминираат мажи. Судејќи според Меѓународната поморска организација, од сите светски морепловци само два проценти се жени.
„Таа лажна статија на англиски јазик се прошири и во други земји. Вложив огромен напор да го негирам тоа што пишува во неа, бидејќи влијае на мојата репутација и трудот што го вложив да бидам сега каде што сум,“, вели Марва.
Добрата страна е што се стекна со светска популарност, но сепак тврди дека и понатаму не знае кој и зошто почна да шири лажна вест за нејзина наводна вмешаност во настаните на Суецкиот Канал.
„Мојата порака кон жените кои сакаат да се занимаваат со оваа работа е да со борат за тоа што го сакаат и да не дозволат негативните работи да влијаат на нив’, вели таа.
Идниот месец Марва ќе полага испит за самостојна капетанка.