Марина Грановскаја во моментов е директор во Челси и нејзина заслуга е успешното преговарање за договорот за спонзорство со Nike вреден 60 милиони фунти годишно до 2032 година.
Ја нарекуваат „Челичната дама“ во фудбалот и се смета за еден од најдобрите директори во светот на фудбалот.
Во 2018 година Forbes ја стави на петтото место на листата Најмоќните жени во меѓународните спортови.
Грановскаја (46), која има канадско-руско државјанство, студирала на Државниот факултет за странски јазици во Москва каде дипломирала во 1997 година. Истата година почнала да работи како личен асистент на Роман Абрамович во неговата нафтена компанија Sibneft. Има работено и за уште една негова компанија, Millhouse Capital.
Подоцна, почна да работи на трансферите и договорите за Челси и стана претставник на сопственикот на клубот во 2010 година и дел од одборот на клубот во 2013 година. Следната година стана извршен директор во Челси.
Нејзиниот стил на менаџирање на трансферите понекогаш ја става во контрапункт со менаџерите кои имаат свои идеи за тоа кој треба да се продаде или доведе во трансфер прозорецот.
Се чини дека овој трансфер прозорец беше полн погодок за „Челичната дама“.