Иако се заразни респираторни болести, предизвикани се од различни вируси.
Грипот го предизвикуваат вируси на грип, додека настинката може да биде предизвикана од различни вируси вклучително и риновируси и други сезонски вируси.
Со оглед на тоа дека грипот и настинките имаат слични симптоми, може да биде тешко да ги разликувате само на основа на симптоми. Од Американскиот центар за контрола и превенција на болести (CDC) издвојуваат симптоми кои ги карактеризираат и едната и другата состојба.
Општо гледано, грипот е полош од обична настинка, а симптомите се поинтензивни и почнуваат ненадејно. Настинката е поблага од грипот. На настинатите луѓе најчесто им тече носот или е затнат. Настинката обично не води до сериозни здравствени проблеми, како воспаление на бели дробови, бактериска инфекција или хоспитализација.
Од друга страна, грипот може да има сериозни компликации. Симптоми на грип можат да бидат треска, кашлица, болки во грлото, растечен или затнат нос, болки во мускулите или телото, главоболка и умор.
Вообичаени симптоми на настинка се кивање, затнат нос и болки во грлото.
Симптомите на настинка обично се поблаги од симптомите на грип и не доведуваат до сериозни здравствени проблеми.
