Водителката Маја Цигленечки, која во саботата ги читаше гласовите на Хрватска на Евровизија, со својата убавина го привлече вниманието на корисниците на социјалните мрежи.
„Толку убава жена одамна немам видено“, „Природна убавина“, „Елегантна и префинета“, се нижат коментарите. Беше пофалена и од медиумите во Србија, традиционалниот ривал на Хрватска. „Која е убавата жена од Загреб што ги читаше хрватските гласови на Евровизија: Ја гледаа дури 160 милиони луѓе“, е еден од насловите кај нашиот северен сосед.
Во 2019 година започна да ја води емисијата „Dobro jutro, Hrvatska“ на HRT. Воедно, уредува и води емисија на втората програма на Хрватското радио.
„Имав среќа што пред 15-ина години ме препознаа како водителка и добив можност да се реализирам на тоа поле. Мислам дека на пеењето треба да му се посветжат оние што ја чувствуваат истата страст кон тоа како и јас кон телевизијата и радиото“, изјави таа во едно претходно интервју за tportal.hr.
Се натпреваруваше во шоуто „Zvijezde pjevaju“. Најголема поддршка ѝ се сопругот Бојан и синовите Лука и Леон.
„Бојан ми е вистинска поддршка и емотивно и логистички. Тој го следи секој мој настап од публиката, гласно навива и ме теши кога работите не одат според планот. На Лука на почетокот му беше забавно да ја гледа својата мајка како пее на телевизија. Сега се навикна на тоа па не обрнува премногу внимание. Леон е ентузијаст и си дозволува да оди во ритам штом ме види на сцената“, раскажува за Story.hr.
По завршувањето на Евровизија изјави дека е пресреќна што имала можност да дели кадар со британскиот водител Грем Нортон.
„Грем Нортон и јас во ист кадар. ГРЕМ НОРТОН. Гасете сè, мотајте ги каблите“, напиша таа.