Неодамна откриената комета C/2022 E3 за прв пат по 50.000 години ќе се приближи до Сонцето и најверојатно ќе биде видлива со голо око кон крајот на јануари.
Малата комета е откриена во март, 2022 година додека минувала низ орбитата на Јупитер. Според пресметките на научниците, сега се движи кон Сонцето и на 12 јануари ќе стигне најблиску.
Кога ќе се доближи до Сонцето, ледот во јадрото на кометата ќе се стопи и ќе премине во долга опашка која рефлектира сончева светлина. Токму тоа би требало да се види со голо око од Земјата, од северната хемисфера.
„Кометата најмногу ќе блесне кога ќе биде наблизу до Земјата“, вели професорот по физика Томас Принс од Технолошкиот институт во Калифорнија.
Појавата ќе биде помалку спектакуларна од минувањето на другите комети кои сепак се и поголеми. Со добар телескоп ќе може да се види, а можеби и со голо око, во текот на еден дел од ноќта.
Најдобрата прилика ќе биде викендот на 21 и 22 јануари и неделата што следи потоа.
Последен пат толку блиску до Сонцето кометата била пред 50.000 години, сметаат астрономите.
