Netflix со години ги криеше податоците за гледаноста на стриминг платформата, но оваа година почна да објавува листи со најпопуларните серии и филмови, како и глобална листа на најгледаните наслови на сите времиња.
Листите се ажурираат неделно и се подредени според вкупниот број часови што претплатниците ги поминале гледајќи ги. Целта на овие листи е да им даде на претплатниците поглед на најголемите хитови на стриминг гигантот, за да можат да откријат нешто ново за гледање.
Сериите и филмовите треба да имаат постојана популарност во многу земји за да стигнат до листата најгледани на сите времиња. Ова значи дека со денови можете да видите некои наслови во Топ 10 во апликацијата Netlix, кои сè уште немаат доволно часови гледаност за да се најдат на листата на најгледани на сите времиња.
Популарноста се мери во вкупно часови гледаност
На пример, серијата „The Recruit“ има 52,3 милиони часови гледаност во првите три дена од објавувањето, но за да се најде на листата треба да има речиси половина милијарда часови, а дури и на најпопуларните серии и филмови им се потребни неколку недели да акумулираат толку часови. Серијата „Wednesday“ собра повеќе од една милијарда часови гледаност во првите 28 дена од објавувањето, со што се најде на листата на најгледани во 2022 година.
Подолу се наведени најгледаните серии на Netflix врз основа на извештаите за вкупно часови гледаност во првите 28 дена од објавувањето на насловот.
П.С. Ако Netflix објави една сезона од серија во два дела, односно на два различни датуми, времето на гледаност се брои посебно за секој дел.
1. Squid Game (1. сезона) – 1,65 милијарди часови
2. Stranger Things (4. сезона) – 1,35 милијарди часови
3. Wednesday – 1,2 милијарди часови
4. Dahmer – 856,2 милиони часови
5. Money Heist (5. дел) – 792,2 милиони часови
6. Bridgerton (2. сезона) – 656,3 милиони часови
7. Bridgerton (1. сезона) – 625,5 милиони часови
8. Money Heist (4. дел) - 619 милиони часови
9. Stranger Things (3. сезона) – 582,1 милиони часови
10. Lucifer (5. сезона) – 569,5 милиони часови
11. All of Us Are Dead – 560,8 милиони часови
12. The Witcher (1. сезона) - 541 милиони часови
13. Inventing Anna – 511,9 милиони часови
14. 13 Reasons Why (2. сезона) – 496,1 милиони часови
