Македонската кошаркарска репрезентација не само што успеа да ја совлада селекцијата на Норвешка, туку тоа го направи со 22 поени разлика.
Македонија одигра добра кошарка на паркетот во салата „26 Април“ во Гевгелија. По првата четвртина резултатот беше +5 за Македонците (16:11), а пресудна беше втората четвртина која Македонија ја доби со високи 18:7.
Гостите од Скандинавија добро парираа во третата која заврши нерешено 11:11, а во последната Македонците рутинирано ја запечатија победата со конечни 58:36.
Одличен во нашиот табор беше Бојан Крстевски кој со дабл-дабл учинок од 14 поени и 10 скокови беше најефикасен на паркетот заедно со Војдан Стојановски кој исто така уфрли 14 поени.
Во другиот натпревар од нашата Д група Словачка ја совлада Данска со тесни 74:70.
Македонија со максимални 3 победи од 3 натпревари е лидер на групата и има одлични шанси да се пласира во главните квалификации.
Табела:
- Македонија 6
- Норвешка 5
- Словачка 4
- Данска 3
Наредниот натпревар го играме в недела кога од 19 часот исто така во Гевгелија ни гостува последнопласираната Данска.
