CBS вчера соопшти дека популарната ТВ-серија „The Big Bang Theory“ ќе заврши со 12-тата сезона.
Кејли Куоко, која ја глуми Пени во серијата, веднаш се обрати до фановите преку социјалните мрежи и рече дека „се дави во солзи“ поради веста дека нема да има 13-та сезона.
Таа објави фотографија од актерската екипа со наградата People's Choice Awards и напиша:
„Ова патување беше вистинско остварување на сонот и ми го промени животот. Без разлика кога ќе завршеше, крајот секогаш ќе ми го скршеше срцето на две.“
„Се давам во солзи, ви ветуваме дека ќе ви ја подготвиме најдобрата сезона досега. Им благодарам на сите, на обожавателите, на нашата екипа, на семејствата, на Чак Лори, Warner Brothers , CBS и сите што ни даваа поддршка сите овие години. Ќе си заминеме славно!“
Куоко (32) стана ѕвезда благодарение на серијата во која игра со Џим Парсонс, Џони Галецки, Сајмон Хелберг, Кунал Најар, Мелиса Раух и Мајим Бјалик.
Кога ќе заврши со емитување на 12-тата сезона во мај, 2019, „The Big Bang Theory“ официјално ќе стане најдолго емитувана ситком серија снимана со multi-camera setup (повеќе камери на еден сет) во историјата на телевизијата.
Серијата почна да се емитува во септември, 2007 година. Има добиено 52 номинации за награда Еми од кои има освоено 10, како и седум ноинации за Златен глобус.
Вкупно, серијата има 56 награди од 2016 номинации досега.
