Товарниот брод Ever Given, кој со денови го блокираше Суецкиот Канал во март - нарушувајќи ја глобалната трговија - конечно го напушта водниот пат откако Египет потпиша договор за компензација со сопствениците и претставниците на осигурителните компании.
Ever Given, брод долг 400 метри, заглави во каналот откако силните ветрови го насукаа на брегот. Акцијата на одглавување траеше шест дена, а едно лице настрада во процесот.
Светската трговија беше нарушена затоа што стотици бродови не можеа да го поминат водниот пат долг 193 километри, кој ги поврзува Средоземното и Црвеното море и е кратенка помеѓу Азија и Европа.
Управата на Суецкиот Канал ги чуваше џиновскиот брод и неговиот екипаж во езеро помеѓу два ракава на пловниот пат, откако бродот со контејнери беше ослободен на 29 март, по спорот околу обештетувањето на Суецкиот Канал. Јапонскиот брод Ever Given шест дена беше заглавен во Каналот, предизвикувајќи прекин на глобалната трговија.
Управата побара отштета од 916 милиони американски долари за покривање на помошта при ослободување на бродот, оштетување на угледот и губење на приходите, пред тие јавно да го намалат износот на нивното побарување на 550 милиони долари.редноста на стоката во вкупно 18.000 контејнери на Ever Given се проценува на 775 милиони долари, а меѓу стоките се и производите на големите мултинационални компании како кинескиот производител на компјутери Lenovo и шведскиот гигант за мебел Ikea.
После три месеци, телевизиските камери го снимија моментот кога екипажот на бродот Ever Given го крена сидрото и се подготви да заплови.