Според едно најново истражување, Краков – еден од најстарите градови во Полска – е прогласен за најопасна туристичка дестинација во Европа.
Овој град доби најниска оцена – 0, со што се карактеризира како „исклучително опасно“ место за престој ако сте странец. Оцена од 100 се дава на најсигурните локации што може да ги посетите, пренесува Daily Express.
Резултатите од истражувањето се темелат на статистички податоци за криминал, вклучувајќи инциденти како пљачки, терористички напади и војни во земјата, за да се одреди крајната оцена. Во истражувањето исто така бил опфатен и бројот на настрадани туристи во сообраќајни несреќи во тој град.
Краков има 765.320 жители и се наоѓа на самата граница на Полска со Република Чешка. Туристите во овој град најчесто ги посетуваат добро зачуваната средновековна тврдина и еврејската населба.
Најбезбеден град за посета во Европа е Андора ла Вела во Андора. Главниот град на Андора, која се наоѓа меѓу Шпанија и Франција на Пиринеите, има 22.000 жители. Андора ла Вела доби 88,6 од можни 100 поени.