СВР Штип до ОЈО Штип поднесе кривична пријава пријава против штипскиот градоначалник Илчо Захариев (57) поради постоење на основано сомнение дека ја злоупотребил службената положба и овластување.
Според полицијата, градоначалник на општина Штип, склучил штетен договор со правното лице од Штип, спротивно на законските прописи и без наведен основ за склучување на истиот.
„И.З. пребил наплатени парични средства во висина од 1.567.619 денари по основ на уредување на градежно земјиште за парцела на ул.„Гоце Делчев“ бб Штип од 2004 година и наместо да изврши наплата на парични средства во висина од 1.899.918 денари за уредување на градежно земјиште за изградба на објект со локација во Индустриската зона Запад во Штип (која во урбанистичките планови постои од 2014 година), пријавениот наплатил само 332.299 денари со што и нанел штета на општина Штип, а на правното лице му овозможил да се стекне со противправна имотна корист од 1.567.619 денари“, соопшти МВР.
