Жена од Илинден пријавила во полиција дека ја нападнале четири кучиња-скитници, а едното од нив ја искасало.
Според информациите на МВР, вчера во 11,25 часот Џ.Б.(38) од населба Илинден пријавила дека истиот ден околу 07,30 часот додека се движела по улица 19 во населбата била нападната од страна на четири кучиња скитници, при што едно од кучињата ја каснало во предел на грбот.
Откако паднала на асфалтот другите кучиња ја влечеле за облеката, по што минувачи дошле на помош и ги избркале кучињата.
Повредената побарала лекарска помош во Ургентен Центар- Инфективна клиника каде ѝ е констатирана телесна повреда и е пуштена на домашно лекување.
