Роберт Левандовски (35) летово би можело да направи сензационален трансфер од Барселона во Атлетико Мадрид, објави денеска шпанскиот новинар Рубен Урија.
Веднаш по него, информацијата независно ја пренесоа или објавија уште десетици шпански медиуми и новинари, а одекна на глобално ниво.
„Барселона сака да се ослободи од Полјакот. Неговата плата е преголем товар за буџетот на Барселона. И покрај тоа што Левандовски има договор со Барселона до летото 2026 година, Каталонците почнаа да го подготвуваат теренот за летово, а Атлетико Мадрид се појави како заинтересирана страна. Треба да внимаваме на таа работа“, објави Урија.
И сите други медиуми кои ја пренесоа информацијата тврдат дека платата од 27 милиони евра годишно е навистина преголема за буџетот на Барселона, особено за фудбалер на таа возраст и наведуваат дека најверојатно тоа ќе биде трансфер кој сите ќе ги изненади. Секако дека Левандовски има договор, па и Атлетико мора да плати одредена сума на отштета за него, а не е позната сумата која ја бара Барселона.
