„Денес повторно беше одложена расправата по измените за 60-часовна работна недела!“-известуваат од Левица.
„Поднесените 1.111 амандмани на Левица ја одложија седницата на Комисијата за труд и социјална политика на неодредено и со тоа го спречија скандалозното носење на новиот предлог-закон за изменување и дополнување на Законот за работни односи, со кои се воведува корпоративен феудализам“, велат оттаму.
„Остатокот од опозицијата, конкретно пратеничката Дафина Стојаноска од ВМРО-ДПМНЕ денеска на Комисијата јавно кажа дека од нивна страна активна блокада нема да има. Оваа партија поднесе само ДВА амандмани против ваквите скандалозни измени“, стои во соопштението на Левица.
Како што посочуваат од партијата, кога и да се закаже продолжението, нивните двајца пратеници остануваат да се борат до крај.
