Лидерот на Каталонија Карлес Пучдемон, во интервју за BBC изјави дека Каталонија ќе прогласи независност во наредните неколку дена, додека пак кралот на Шпанија Фелипе VI истакна дека референдумот за независност на овој регион е нелегален.
„Владата ќе почне да функционира кон крајот на оваа или кон почетокот на следната недела“, изјави Пучдемон, додавајќи дека досега немало контакт меѓу неговата администрација и централната влада во Мадрид.
Кралот Фелипе имаше телевииско појавување за да гарантира „демократска коегзистенција“ строго по условите на Шпанија. Фелипе истакнал дека каталонските лидери со организирање на овој референдум укажале непочитување кон власта.
Околу 700.000 луѓе вчера излегоа на улиците во Барселона за да протестираат против полициското насилство за време на забранетиот референдум за независност на Каталонија.
