Портланд Трејл Блејзерс по голем пресврт ги совладаа Њу Орлеанс Пеликанс со 125:124, а брилијантен беше Демијан Лилард со 50 поени кој ги реализираше победничките поени на 1,2 секунда пред крајот.
Со тоа Лилард стана четвртиот играч во историјата на НБА-лигата со 16.000 поени и 4.000 асистенции во неговите први девет сезони. Лилард им се придружи на Оскар Робертсон, Лери Бирд и Леброн Џејмс.
Од влегувањето во лигата во 2012 година, тој никогаш немал просек од помалку од 19 поени и 5,5 асистенции по натпревар во една сезона.
Иако Блејзерс губеа со дури 17 поени разлика во последната четвртина, тие успеаја да направат скоро неверојатен пресврт и го забележаа својот петти триумф на последните седум натпревари.
Тие сега се во сооднос од 23-16, додека е прекината мини серијата на Пеликанс, кои имаат резултат 17-23.
Покрај тоа што постигна 50 поени, Лилард постигна и десет асистенции и шест скока, а го следеше и Гери Трент Џуниор со 22 поени.
Во редовите на Њу Орлеанс се истакнаа Брендон Инграм со 30, Сион Вилијамсон со 28 и Никеил Александар-Вокер со 20 поени.
Лос Анџелес Лејкерс ги совладаа Минесота Тимбервулфс со 137:121, а трипл-дабл учинок постигна Леброн Џејмс. Постигна 25 поени со 12 скока и асистенции.
Во редовите на актуелниот шампион беше и Монтрезл Харел со 25 поени, додека на „Волците“ не им помогнаа ни добрите игри на Карл-Ентони Таунс и Ентони Едвардс со по 29 поени.
Бостон Селтикс - Јута Џез 109:117
Чикаго Булс - Оклахома Сити Тандер 123:102
Хјустон Рокетс - Атланта Хокс 107:119
Мајами Хит - Кливленд Кавалирс 113:98
Филаделфија 76-ерс - Њујорк Никс 99:96
Портланд Трејл Блејзерс - Њу Орлеанс Пеликанс 125:124
Лос Анџелес Лејкерс - Минесота Тимбервулфс 137:121