Откако пред неколку дена стана мајка, Линдзи Лохан сподели фотографија од своето тело по породувањето.
Актерката синоќа ја сподели својата прва фотографија по породувањето, облечена во кроп топ и долна облека.
„Толку сум горда на она што ова тело можеше да го постигне во текот на овие месеци на бременост и сега закрепнување“, гордо напиша таа во описот.
Лохан објави дека е бремена на Instagram во март годинава, а потоа на свет во Дубаи донесе син, на кого му го даде името Луаи.
„Да се има бебе е најголемата радост на светот!“, продолжи таа во описот.
Лохан носеше удобна долна облека велејќи дека тоа е нејзината вообичаена облека за тој ден. Таа, исто така, урнебесно се осврна на нејзиниот култен филм „Mean Girls“ додавајќи ја референцата: „Бидејќи не сум обична мајка, јас сум мајка по породувањето“.
Во ноември 2022 година за магазинот Interview изјави дека има голема желба да биде мајка. Рече и дека е задоволна од животот во Дубаи.
„Овде се чувствуваме безбедно. Училиштата се одлични. Овој град е толку различен од сè на што сум навикната... Убаво е да имам свој посебен свет“, рече таа.
Линдзи и Бадер во февруари 2020 објавија дека се во врска. Се верија во ноември истата година, тајно се венчаа во април 2022 година, а веста ја споделија дури во јули.