Детроит Пистонс стана најлошиот тим во историјата на НБА, откако ноќеска на домашен терен загубија од Бруклин Нетс со 118:112, што беше нивен пораз број 27 во низа сезонава.
Бадијала Кејд Канингем постигна 41 поен и 9 скока за Детроит, Бојан Богдановиќ уфрли 23 поени, а Дурен имаше дабл-дабл од 12 поени и 15 скокови.
Нетс беа предводени од Камерон Џонсон со 24 поени, Микел Бриџис со 21, а Кем Томас постигна 17. Идентичен дабл-дабл учинок кај гостите имаа Николас Клекстон и Деј'Рон Шарп со 11 поени и 11 скокови.
Така, го соборија рекордот од 26 последователни порази кои го држеа Кливленд Кавалирс од сезоната 2010/2011 и Филаделфија 76ерс од сезоната 2013/2014.
Овој пораз тешко им падна на навивачите на Детроит, а на крајот од натпреварот му скандираа „Продај го тимот!“ на сопственикот Том Горес.
Тие, секако, не се ни сомневаа во вакво сценарио, со оглед на тоа што на 29 октомври беа на скор 2-1, но оттогаш ниту еднаш не победија.
Се разбира, не требаше долго за Пистонс да стане предмет на потсмев на социјалните мрежи, а в четврток можат да израмнат уште еден неславен рекорд.
Имено, Филаделфија 76ерс загубија 28 последователни натпревари во 2015 година, но во текот на две сезони - 10 на крајот од едната и 18 на почетокот на следната.
Огромни се шансите Пистонс да го израмнат тој несакан рекорд в четврток на гостувањето во Бостон кај Селтикс, а потоа в сабота на домашен терен против Торонто Репторс да го срушат или барем колку-толку да го обелат образот и да слават.
Резултати:
Вашингтон Визардс - Орландо Меџик 119:127
Чикаго Булс - Атланта Хокс 118:113
Хјустон Рокитс - Индијана Пејсерс 117:123
Њу Орлеанс Пеликанс - Мемфис Гризлис 115:116 прод.
Оклахома Треил Блејзерс - Минесота Тимбервулвс 129:106
Сан Антонио Спарс - Јута Џез 118:130
Портланд Треил Блејзерс - Сакраменто Кингс 130:113
Лос Анџелес Клиперс - Шарлот Хорнетс 113:104
Табела: