Белорускиот претседател Александар Лукашенко во текот на состанокот во Палатата за независност ги коментираше зголемените цени на увозните производи.
Еден ден претходно, на Владата ѝ даде задача да развие мерки за контрола и регулација на цените. Истовремено, никогаш не е споменато целосно замрзнување на цените.
Лукашенко изјави дека производите како кафе, банани и слично ќе поскапат бидејќи тоа не зависи од Белорусија. На граѓаните им порача дека тоа не е најголемата грижа сега, па ако сакаат кафе нека не се нервираат кога ќе поскапи.
„Кој сака кафе, нека пие. Извинете ако кафето е поскапено. Можам да ви понудам млеко или чај. Не пијам кафе и жив и здрав сум си!“, изјави Лукашенко.
Сите добија задача да изработат мерки за контрола и регулација на цените.
„Сакам да повторам, нема целосно, неограничено замрзнување на цените. Го упатувам ова до оние кои немаат слушнато. Поентата е дека некои премногу се ‘здебелија’ и нема да ме убедите во спротивното. Тоа се однесува на сите: на бизнисмени и претприемачи, како и на државните претпријатија“, изјави Лукашенко.
