Францускиот претседател Емануел Макрон ја разгледа моменталната состојба на односите меѓу Русија и Западот и рече дека не треба да се дозволи Руската Федерација целосно да биде скршена по војната во Украина.
Францускиот претседател во интервју за Le Journal du Dimanche објасни дека сите очекуваат пораз на Русија во Украина, но дека војната не смее да се префрли на територијата на Руската Федерација.
„Сакам пораз на Русија во Украина и сакам Украина да може да ги брани своите позиции. Сепак, убеден сум дека на крајот нема да биде заврши воено. Не мислам, како некои, дека Русија треба да биде целосно поразена и здробена, нападната на нејзино тло. Тоа никогаш не било позиција на Франција и никогаш нема да биде“, рече Макрон.
Тој објасни дека Русија треба да биде повредена, но без желба за одмазда.
„Она што ни треба е Украина да води воена офанзива што ќе го наруши рускиот фронт и ќе ја врати приказната за преговорите. Русија треба да биде повредена, но без тоа да се сфати како одмазда“, рече првиот човек на Франција.
Што се однесува до конфликтот, Макрон е на мислење дека ниту една страна не може да постигне целосна победа.
„Ниту една страна не може целосно да победи. Ниту Украина, ниту Русија. Ефектите од мобилизацијата не се толку големи како што се очекуваше, а имаат и ограничени капацитети“, посочува Макрон.