Аргентинскиот фудбалер Макси Лопез (37) жестоко ја критикуваше својата поранешна сопруга Ванда Нара на социјалните мрежи, истакнувајќи дека десет месеци не си ги видел децата.
На Денот на таткото, Аргентинецот испрати честитки до сите татковци преку Instagram, а ја искористи таа можност да фрли „отровни“ стрели кон неговата поранешна партнерка.
„Среќен Ден на таткото на сите татковци во светот. Иако не ми дозволуваат да ги гледам десет месеци и да инсистираат на прекин на врската, јас секогаш ќе бидам тука за нив. Тоа е нешто што некои никогаш нема да го разберат. Ми недостигате, но тоа веќе го знаете“, напиша Лопез во пораката посветена на своите деца Валентин, Бенедикт и Константин.
Ванда беше во брак со Лопез и имаат три деца, а се разведоа откако се утврди дека таа имала афера со Мауро Икарди во време кога двајцата фудбалери беа колеги во Сампдорија.
Макси Лопез во моментов е член на италијанскиот третолигаш Самбенедетезе.
