Фудбалерите на Ливерпул во 22. коло од Премиер лигата го победија лондонски Челси со резултат 4:1 и со тоа го задржаа првото место на табелата, а во центарот на вниманието беше Дарвин Нуњес кој не постигна ниту еден гол.
Имено, уругвајскиот напаѓач четири пати ја затресе рамката на голот, вклучително и стативата кога промаши пенал, со што постави рекорд во Премиер лигата.
Откако се води статистика од ваков тип, никој не успеал четири пати да ја затресе рамката од голот, а несреќниот напаѓач на Ливерпул влезе во историјата на најдобрата лига во светот.
Инаку, стрелци за Ливерпул беа Жота 23', Бредли 39', Шобошлаи 65', Дијаз 79', додека Нкунка погоди за „сините“ во 71'.
„Црвените“ моментно се на првото место со 51 освоен бод од 22 натпревари, пет повеќе и натпревар повеќе од Манчестер Сити, додека Челси е десетти со 31 бод.
Во следното коло Ливерпул му гостува на Арсенал, додека Челси на домашен терен го пречекува Вулверхемптон.
