Сенегалскиот напаѓач Садио Мане е казнет со 500.000 евра откако физички го нападна соиграчот Лирој Сане, но тоа не е најголемата казна во историјата на фудбалот.
Сопственик на овој неславен рекорд не е ништо помалку од Кристијано Роналдо (38), кој минатата година беше санкциониран од Манчестер Јунајтед со приближно 1,1 милион евра, откако одби да оди на натпреварот против Тотенхем, а подоцна самоволно го напушти стадионот пред крајот на натпреварот.
Покрај суспензијата до понатамошно известување, Мане доби и парична казна што е рекордна во историјата на германската Бундеслига, но која нема да му биде премногу тешка со оглед на тоа што заработува над 20 милиони евра годишно.
Воедно, Лирој Сане при разговорот со шефовите на клубот изјави дека не сака Мане да биде построго казнет и ја отфрли можноста за раскинување на договорот со Сенегалецот.
Bild пишува и дека, доколку Мане покаже каење, би можел да биде вратен во тимот за реваншот против Манчестер Сити в среда.
