Голем удар стигна денеска за тимот на Баерн Минхен, откако медицинскиот тим на „баварците“ ја потврди повредата на првиот голман на тимот, Мануел Нојер. Тој ќе ги пропушти сите натпревари до крајот на годината.
Голманот на Баерн Минхен и германската репрезентација само што се врати од големата повреда која го оддалечи од терените од април па досега, и веднаш доживеа уште еден шок.
Имено, тој ја обновил скршеницата на истата нога додека бил на тренинг со екипата на Баерн, и медицинскиот тим објави дека поради повредата тој ќе биде надвор од теренот до крај на 2017 година.
Паузата од најмалку 3 месеци доаѓа во многу лош момент за „баварците“ бидејќи тие и онака беа критикувани за играта во домашното првенство, каде, иако поминаа само 4 кола, Баерн Минхен не се убедливи како што беше тоа случај во преходните неколку години.
Нојер ќе ги пропушти сите натпревари на Баерн Минхен во Лигата на шампионите, како и барем 13 натпревари од домашното првенство.