Дуелот помеѓу Мајами Хит и Њу Орлеанс Пеликанс го одбележа жестока тепачка и вистински хаос, по што четворица кошаркари беа исклучени.
Џими Батлер, Томас Брајант, Хосе Алварадо и Наџи Маршал беа исклучени по жестоката расправија на паркетот на почетокот на четвртата четвртина од мечот на Мајами со Њу Орлеанс.
Тепачката започна откако Зион Вилиамсон од Пеликанс му ја украде топката на Батлер, а Кевин Лав го фаулираше за да спречи лесно положување. Додека на Лав му беше досудена лична грешка, Вилијамсон падна на подот и Маршал втрча во знак на протест поради начинот на кој Вилиамсон беше фаулиран.
На тоа реагираше Батлер и предизвика хаос. Тој и Маршал се фатија за гуша во екот на кавгата, а соиграчите и тренерите се обидуваа да ги разделат. Токму кога се чинеше дека борбата е завршена, на друго место, Брајант и Алварадо почнаа да се расправаат и да разменуваат удари, додека околу нив избувна хаос.
Емоциите се разгореа и на трибините, па навивач на Пеликанс фрлаше работи кон играчите на Мајами. Обезбедувањето веднаш го исфрли од трибините.
Сите четворица кошаркари кои учествуваа во тепачката беа исклучени, а Мајами на крајот славеше победа на гостински терен од 106:95.
Да потсетиме, во ноќта зад нас се одиграа голем број дуели на НБА терените.
Никола Јокиќ го постигна вториот трипл-дабл за само 24 часа во победата на Денвер над Портланд.
Резултати:
Атланта Хокс - Торонто Репторс 121:123
Филаделфија 76ерс - Кливленд Кавалирс 104:97
Хјустон Рокитс - Феникс Санс 114:110
Мемфис Гризлис - Лос Анџелес Клиперс 95:101
Њу Орлеанс Пеликанс - Мајами Хит 95:106
Оклахома Сити Тандер - Вашингтон Визардс 147:106
Голден Стејт Вориорс - Шарлот Хорнетс 97:84
Минесота Тимбервулвс - Милвоки Бакс 107:112
Портланд Треил Блејзерс - Денвер Нагетс 112:127
Лос Анџелес Лејкерс - Сан Антонио Спарс 123:118
Табела: