Свет

Масовни протести против американските војници во Ирак

24. јануари 2020 - 11:23 | МИА/КАЈГАНА

Стотици илјади приврзаници на влијателниот радикален шиитски свештеник Муктада ал Садр се собраа денеска во центарот на Багдад, барајќи американски трупи да ја напуштат земјата, во момент на зголемени тензии откако САД на 3 јануари близу ирачката престолнина во воздушен напад го уби иранскиот генерал Касем Сулејмани.

Од утрово на централниот плоштад во Багдад се слуша: „Не, не Америка!“, пренесува Танјуг. Медиумите забележале и дете со транспарент на кој пишува: „Смрт за Америка. Смрт за Израел“.

На Twitter е објавена и фотографија од демонстранти кои обесија картонски исечок со ликот на американскиот претседател Доналд Трамп, искажувајќи го на тој начин незадоволството од американското воено присуство во земјата.

Патиштата и мостовите што водат кон силно утврдената Зелена зона, седиштето на ирачката Влада и неколку странски амбасади, вклучувајќи ги и САД, беа блокирани со бетонски бариери.

Полицијата, исто така, ги затвори патишта што водат кон местото на протестот, насловен „Марш на милион луѓе“.

Коментирај