Килјан Мбапе постигна два гола во победата на Пари Сен Жермен против Реал Сосиедад синоќа за да му помогне на својот тим да се пласира во четвртфиналето на Лигата на шампионите.
По натпреварот тој беше прашан дали има проблеми со тренерот Луис Енрике, што тој негираше и рече дека има одличен однос со него.
„Имаме многу добри односи. Нема проблеми со него, иако луѓето мислат дека има. Имам многу проблеми, но тренерот не е еден од нив“, изјави Французинот.
Истото прашање следуваше и за тренерот на Париз, кој застана во одбрана на својот фудбалер и рече дека за него е најдобриот играч на светот во последната третина од теренот.
„Дали мислите дека Мбапе мора да докажува нешто некому на 25 години? Со кој било тренер постигнува 50 гола и има 25 асистенции, за мене тој е најдобриот играч во светот во последната третина од теренот“, рече шпанскиот стручњак и додаде:
„Очигледно е дека немаме никакви проблеми, но знаете дека сра*ето продава весници и затоа тоа го потенцирате. Вистината? Кому му е гајле за вистината? Јас немам проблем со ниту еден играч“.
Првиот човек на ПСЖ, Насер Ал Хелаифи, исто така го коментираше односот со Мбапе, кој рече дека клубот денес работи за иднината.
„Ако клубот сè уште не објавил ништо, тоа е затоа што не сакаме да објавиме ништо. Нешто се случува меѓу нас. Килјан е во клубот, работи во ПСЖ и има договор со нас, но вистината е дека денес работиме за иднината“, рече Ал Келаифи.