Францускиот бисер конечно проговори околу неговата неивесна иднина во ПСЖ поради интересот од Реал Мадрид.
Килјан Мбапе го потврди она што пола лето се пишуваше за него - дека сака да си замине од Париз.
„Луѓето велат дека сум одбил 6-7 понуди за продолжување на договорот и дека повеќе не сум сакал ниту да разговарам со Леонардо (спортскиот директор, заб. на прев.). Тоа е апсолутно неточно“, вели тој за RMC Sport.
„Побарав да си заминам, бидејќи од моментот кога не сакав да го продолжам договорот, сакав клубот да добие паричен надоместок за да може да донесе квалитетна замена“, се правда Мбапе.
„Сепак тоа е клуб кој ми даде многу, секогаш тука бев среќен, четирите години кои ги минав тука, а и сѐ уште сум. Рано побарав заминување за клубот да има време да реагира. Сакав двете страни да се разделиме посилни, со подадена рака, да се договориме, и го почитував тоа. Им реков: 'Ако не сакате да си одам, ќе останам'“.
Ден денес Килјан нема потпишано нов договор, што значи дека од јануари ќе биде слободен да преговара со други клубови за трансфер на лето. Реал Мадрид е прв на листата клубови кои го чекаат неговиот потпис.
