Германската канцеларка Ангела Меркел го повика турскиот претседател Реџеп Тајип Ердоган да започне „учтив дијалог“ со сите политички партии по победата на референдумот за измените на Уставот во Турција, пренесуваат турските медиуми.
„Германската влада очекува турската влада по тешката кампањата да започне учтив дијалог со сите политички сили и граѓанското општество“, рекла Меркел во заедничка изјава со шефот на дипломатијата Зигмар Габриел.
Германската канцеларка и шефот на германската дипломатија навеле дека Ердоган има „голема одговорност“ за наредните чекори на Турција. Во земјата вчера беше одржан референдум за воведувањето на претседателскиот систем на власта, на кој 51,41 отсто од граѓаните гласаа за промена на Уставот.
