Аргентинскиот напаѓач Лионел Меси, во документарниот филм „Becoming Leo Messi“, за медиумите зборуваше за почетокот на неговата величествена кариера.
„Тешок беше периодот кога како дете тргнав да играм во Барселона, но од почетокот знаев дека сакам да останам во тимот. За првпат дојдов во Барселона на проба, таму бев 15 дена, па се вратив во Аргентина. По неколку месеци ме повикаа и ми кажаа дека сакаат повторно да дојдам. Ми дозволија да се вратам и да го започнам својот сон во Барселона“.
„Тоа беше голема радост за мене и за целото мое семејство. Вистина беше дека не можев да сфатам колку оваа одлука ќе го промени мојот живот. Бев дете и само сакав да играм фудбал. Не бев свесен колку ќе ми биде тешко да се преселам на друг контитент, и за мене и за моето семејство. На почетокот беше многу тешко. Не ми дозволуваа да играм на сите натпревари, а за еден фудбалер тоа е најлошо“.
„И покрај тие проблеми, имав и неколку повреди. Кога првпат заиграв после неколку месеци, се повредив и морав да паузирам“.
„Меѓутоа, ниту еднаш не посакав да се откажам и да се вратам во Аргенитна. Моите браќа се вратија во Аргентина, на мојата сестра ѝ беше најтешко. Таа не можеше да се адаптира и да тргне во друго училиште. Затоа, мојата мајка се врати со неа со Аргентина. Јас останав во Барселона и сите ме прашуваа дали сакаш да останеш, јас јасно реков дека да“, се потсети Меси кој игра за Барселона од 2004 година.
