Лионел Меси изјави дека го боли што неговиот пенал беше одбранет на натпреварот на аргентинската репрезентација против Исланд во рамките на Светското првенство во Русија што заврши нерешено.
30-годишниот ас на Барселона шутираше од белата точка по досудениот пенал, но тоа беше лесна цел за голманот на Исланд Ханес Халдорсон.
Меси можеше да го израмни впечатокот што неговиот ривал Кристијано Роналдо го остави ден претходно на фудбалските фанови ширум светот, кога изведе сензационален хет трик на натпреварот против Шпанија.
„Тоа ќе го сменеше сценариото. Тоа ќе беше предноста“, рече Меси.
„Секако дека ме боли што го промашив пеналот. Ќе се отвореа малку повеќе и ќе имавме повеќе простор. Огорчени сме што не ги зедовме трите поени што ги заслуживме. Секогаш е важно да се почне со победа, а сега треба да мислиме на Хрватска.“