Жителите на холандското село Мерсен беа шокирани откако повеќе метални делови од авион паднаа од небото, оштетувајќи автомобили и куќи, а полесно се повредени една жена и дете.
Авионските делови се од товарното летало Boeing 747-400, кое во саботата исчезна откако во 16 часот полета од аеродромот Мастрихт кон Њујорк.
Очевидци тврдат дека слушнале силни удари и виделе пламен како излегува од еден од левите мотори на авионот, по што почнале да бегаат во засолниште, а метални делови паѓале насекаде низ селото.
Неколку автомобили и покриви на куќи се оштетени од вжештениот метал кој паѓал од небото.
Авионот итно слетал во Лиеж во Белгија.
Аеродромската полиција и холандскиот Одбор за безбедност започнале истрага, во обид да утврдат што се случило.
