Претседателот на ВМРО-ДПМНЕ, Христијан Мицкоски, во рамките на кампањата „Важно е! Од тебе зависат промените“ при посетата во Гевгелија, одговарајќи на новинарско прашање за можен датум за одржување избори, посочи дека единствената недела каде што може да се поклопат вториот круг претседателски и парламентарните избори е 5 мај.
„ВМРО-ДПМНЕ логично размислува, а тоа е бидејќи од другата страна велат немале да одат на предвремени избори, единствената недела каде што може да се поклопат вториот круг претседателски и парламентарните избори е 5 мај. Тој ден е Велигден. Во минатото сме имале пракса, така беше на последните избори, 15 јули 2020 година, да и во среда имаме избори и затоа велиме дека 8 мај е повторно можен термин кога би се одржал вториот круг претседателски заедно со парламентарните, би имало 72 часа рокови за жалби, за одлуки и така натаму и да се фати рокот од 12 мај да може новиот претседател да биде веќе инаугуриран. Ова е логиката“, потенцира Мицкоски.
Мицкоски во врска со одржување на изборите објасни зошто овој датум е најсоодветна за одржување претседателски и парламентарните избори.
„Но повторно ставаме на консензус, ние повикуваме на консензус бидејќи таква била праксата порано дека со консензус на сите политички фактори се носело одлука околу дата, време и така натаму. Повикуваме на консензус затоа што пак од друга страна последниот рок според Устав и закон на кој што еве би се одржале парламентарните избори е 30 јуни. Зошто 30 јуни? Уставот е јасен дека мандатот на актуелниот пратенички состав важи до изборот на нов, но не повеќе од 4 години, имајќи предвид дека 4 август 2020 е формиран Парламентот и оттогаш почнува да важи мандатот на актуелниот пратенички состав значи дека ние на 3 август мораме да имаме формиран нов пратенички состав. Ако оставиме две недели за прегласувања, догласувања, ако има жалби и така натаму и законски 21 ден бидејќи Уставот е јасен и вели во рок од 20 дена треба да се формира парламентот, ако претседателот на претходниот Парламент не го свика, тогаш самиот се свикува, тогаш последниот датум на одржување на парламентарни избори е 30 јули, што значи дека кампањата би почнала на 10 јуни.
На крај Мицкоски порача изборите да се одржат во среда, да седнат со другите политички партии да се договорат и да се види дали од другата страна постои здраворазумско размислување и да се дефинира целата постапка.
„Што ќе одлучи овој еден месец да трошиме милиони народни пари, има ли логика, има ли разум, има ли некој таму кој што размислува нормално? И затоа велиме еве опција нека биде среда, да седнеме, да се договориме, да разгледуваме, да видиме дали од другата страна постои некое логично размислување здраворазумско и да ја дефинираме целата постапка, додаде тој.
