Легендарниот фудбалер на Реал Мадрид, Предраг Мијатовиќ, кој своевремено ја вршеше улогата на спортски директор, смета дека Белгиецот Еден Азар практично ја завршил својата играчка кариера, но повтори дека нема шанси Мадрид да го отпушти.
Дека не сака да си оди на сите јасно им стави до знаење и самиот фудбалер, кој на почетокот на годината изјави дека би сакал да добие уште една шанса, која му се појави на натпреварот против Хетафе, но повторно не ја искористи.
Во натпреварот од 34. коло на Ла Лига, Белгиецот доби можност да игра од првата минута, а во 60-те минути што ги мина на теренот не покажа ништо и беше заменет со Винисиус Жуниор.
„Еден ја загуби желбата да игра фудбал и тука ништо нема да се промени. Реал нема механизам во рацете да го принуди да си замине и ќе мора да чека една година да му истече договорот“, изјави Мијатовиќ за шпанските медиуми, а потоа зборуваше за Бразилецот:
„Она што го прави Винисиус е одлично, и ако продолжи да биде на ова ниво следната година, ќе го сменам мислењето за него. Но, само сетете се што направи Нејмар на негова возраст во дресот на Барселона. Кажете ми кој од двајцата би го потпишале?“, заврши поранешниот српски голгетер.
